މަޤުޞަދު

މިއީ އަލަށް އިސްލާމް ކިޔަވައިދެއްވާ މުދައްރިސުންނާއި، މިހާރުވެސް މިދާއިރާގައި މަސައްކަތް ކުރައްވާ ފަރާތްތަކާއި ދަރިވަރުންނާއި، ބެލެނިވެރިން  ޚާއްޞަކޮށް ކީ.ސްޓޭޖް 1،2،3،4ށް ކިޔަވައިދެއްވާ މުދައްރިސުންނާއި ދަރިވަރުންނަށް، ޖުމްލަކޮށް ބްލޮގް ބައްލަވާ ހުރިހާ ފަރާތްތަކަށް ''އިސްލާމް'' މިމާއްދާއާއި ގުޅުންހުރި ތަފާތު ބޭނުންތެރި ޢިލްމީ މަޢުލޫމާތުތައް ލިބިގަތުނުގެ އެހީއެއްގެ ގޮތުން އުފައްދާފައިވާ ބްލޮގެކެވެ. އަދި މީގެ އިތުރުން މިބޮލޮގްގެ ޒަރީޢާއިން ލިބޭ މަޢުލޫމާތުގެ އަލީގައި، ދަރިވަރުންގެ ދިރިއުޅުމަށް ހެޔޮ އެދެވޭ ބަދަލެއް އައުމަކީ މި ބްލޮގް ވުޖޫޖަށް އައުމުގެ މުހިންމު އެއް މަޤުޞަދުވެސް މެއެވެ.

ބޭނުން 

މި ބްލޮގުގެ މައިގަނޑު ބޭނުމަކީ، މި ބްލޮގުގެ އެހީގައި، ބްލޮގް ބައްލަވާ ހުރިހާ ފަރާތްތަކަކަށްވެސް އުނގަންނަވާއިދިނުމުގައި ބޭނުންކުރެވިދާނެ ތަފާތު އެހީތައް (ޕަވަރ ޕޮއިންޓް ޕްރެޒެންޓޭޝަން، ވީޑިއޯ، އޯޑިއޯ، ފޮޓޯ ފަދަ މުހިންމު ބައިތައް) ފަސޭހަ ކަމާއިއެކު އެއްތަނަކުން ލިބުމުގެ މަގު ފަހިކޮށްދިނުމާއި،  އަދި އެސެސްމެންޓް ޓޫލެއްގެ ގޮތުގައި ބޭނުންކުރެވިދާނެ (ވާކްޝީޓް، ކަހޫޓްކްއިޒް ފަދަ) ތަފާތު ރިސޯސްތައް ދެމެހެއްޓެނިވި ގޮތެއްގައި ފޯރުކޮށްދިނުމުގެ މަގު ތަނަވަސްކޮށްދިނުމެވެ.